Siglir tar il cuntegn

Header

cuntegn

Surselva Valendau: ina giada bandunà, uss tschertgà

La sien da 100 onns che Valendau ha durmì è il potenzial dal vitg sco ch'el è oz. Quai di Walter Marchion, il president da l’uniun Valendau Impuls.

Ina chasa sper l'autra e mo la giassas stretgas che spartan ellas.
Legenda: Las giassas da Valendau n'enconuschan betg tuts. RTR, L. Livers

In vitg cun giassas, clavads e chasas patrizianas che mussan l’impurtanza che Valendau aveva ina giada. Dapi l'onn 2004 è Valendau Impuls l'uniun che reactivescha il vitg, ch'emprova da mantegnair el.

La cussegliera federala Evelin Widmer Schlumpf, era ella è ina part dal svilup da quai vitget, e quai betg mo perquai ch'ella tegn il pled d’emprim d’avust a Valendau.

La cusseglier federala Evelin Widmer Schlumpf è la madritscha dal «Gasthaus am Brunnen», il pli grond project da Valendau Impuls.

audio
Bunura: Valendau: ina giada bandunà, uss tschertgà
ord Actualitad dals 01.08.2015.
laschar ir. Durada: 3 minutas 38 Secundas.

Sco il num da quest'uniun di, dat l'uniun impuls. Cumenzà ha quai l'onn 2004 cun in cudesch che mussa las atgnadads dal vitg. Lura hai dà differents projects concrets, sco il furn da far paun. Dentant era il sensibilisar la populaziun da Valendau per Valendau è sta ina chaussa, per la quala l’uniun è s'engaschada.

Il president da l'uniun Valendau Impuls è sez in zic surstà, con bler che l'uniun ha vairamain muentà. Dal vitg bandunà tar il vitg tschertgà, entras in'uniun che dumbra uss 250 commembers.

Artitgels legids il pli savens