Vischnanca burgaisa Glion schliada

La radunanza da la vischnanca burgaisa da Glion ha decidì da sa schliar, quai cun 16 encunter 1 vusch.

Purtret da Roman Cantieni Bild in Lightbox öffnen.

Legenda da maletgs: Roman Cantieni, il vicepresident dals burgais da Glion. RTR, Linus Livers

La radunanza ordinaria cun 17 preschents (1216 avessan il dertg da burgais) è vegnida manada da Roman Cantieni, il vicepresident dals burgais. Gist quella participaziun a las radunanzas saja stada ina da las raschuns da schliar l'organisaziun da burgais da Glion, ha ditg Cantieni.

Ils anteriurs burgais da la citad da Glion avevan fundà avant la fusiun ina societad burgaisa. A quella han els transferì tut lur facultad. La societad burgaisa da la vischnanca fusiunada n'ha uschia quasi nagina funcziun pli.

Cantieni fa valair ch'els hajan d’administrar sulettamain prads e pastgiras. La suletta incumbensa restada sajan las natiralisaziuns. Da quellas dettia trais fin quatter ad onn. Il possess da la vischnanca burgaisa va cun quella decisiun vi a la vischnanca politica da Glion.

RR novitads 22:00