Ina maioritad dals votants e da las votantas da Mustér han ditg Na al credit da 390'000 francs per ina punt pendenta tranter Mustér e Mumpé Medel. La decisiun negativa è crudada cun 537 cunter 448 vuschs. La participaziun a la votaziun munta a 67,6%.
Suenter ch'il parlament communal aveva gia approvà il credit era vegnì inoltrà in referendum. Cunquai ha il suveran gì da decider.
audio
Na al credit per la punt pendenta a Mustér
ord Actualitad dals 18.06.2023.
Maletg: RTR
laschar ir. Durada: 3 minutas 31 Secundas.
La vischnanca da Mustér avess contribuì cun questa summa, a circa in quart dals custs da la nova punt. Il plan era ch'il rest dals daners vegniss da privats e dal chantun. La vischnanca da Mustér fiss en il futur stada responsabla per il mantegniment da la punt pendenta.
Legenda:
RTR
