Siglir tar il cuntegn

Header

video
Confettis e guggas - tschaiver a Cuira
Or da Actualitad dals 06.02.2016.
laschar ir. Durada: 3 minutas 32 Secundas.
cuntegn

Ulteriur Grischun 24‘000 nars al tschaiver da Cuira

La sonda han ils fans da tschaiver surpiglià la chapitala dal Grischun. Per la 39avla giada è stà il cortegi da tschaiver tras la citad da Cuira, quest onn sut il motto «As goht Poscht ab». La Polizia da la citad fa per tut la fin d'emna ina bilantscha positiva.

Il motto per l’onn 2016 è vegnì elegì perquai ch’i saja vegnì bajegià, structurà, serrà e renovà l’onn passa pliras interpresas en la citad.

Fin d'emna senza gronds incaps

Radund 24’000 aspectaturas ed aspectaturs hajan guardà las 51 furmaziuns che han fatg part al cortegi, scriva la Polizia chantunala. Tenor in communitgà da la Polizia da la citad Cuira saja stada la fin d'emna da tschaiver in eveniment paschaivel.

audio
Tschaiver a Cuira
ord Actualitad dals 08.02.2016.
laschar ir. Durada: 1 minuta 21 Secundas.

La polizia da la citad è stada totalmain 30 giadas en acziun, quai cunzunt pervi da donns materials e violenza. En ils cas menziunads sajan las persunas pertutgadas stadas alcoholisadas fermamain.

Sutvart chattais vus intginas impressiuns dal cortegi dals 6 da favrer.

Artitgels legids il pli savens