Accident da muntogna mortal al Falknis

In um da 59 onns è crudà giu en la vischinanza dal Mazorakopf al Falknis sper Maiavilla. El è sa blessà mortalmain.

Foto ord la REGA cun vista sin il Falknis. Bild in Lightbox öffnen.

Legenda da maletgs: La REGA ha sgulà la bara da l’um al Falknis. MAD

L’accident è capità dumengia bun’ura sco quai che la polizia chantunala communitgescha. L’um haja perdì l’equiliber en la vischinanza dal Mazorakopf sin bun 2'300 meters sur mar, e saja crudà d’ina taissa spunda giuadora. Tar la crudada è l’alpinist sa blessà mortalmain.

Polizia tschertga perditgas

Per sclerir il decurs exact da l'accident tschertga la polizia perditgas. En spezial supplitgescha ella l'um che ha discurrì cun la REGA da s'annunziar. El sco era ses dus accumpagnaders hajan observà l’accident.

RR novitads 11:00