Siglir tar il cuntegn

Header

cuntegn

Ulteriur Grischun Cupitga il kino da cultura a Cuira?

Il program da cultura da la Kino Chur SA na surviva betg sche Thomas Domenig bajegia en il quartier City West in grond cumplex da kinos – da quai è persvasa Rita Kalberer, la manadra da la Kino Chur SA.

Il kino da Cuira tema per si'existenza. Quai n'è nagut nov, il kino tema gia dapi passa in onn, dapi che Thomas Domenig ha annunzià da vulair construir en il quartier City West in cumplex modern cun plirs kinos.

audio
Bunura: Kinos Cuira – retschertga per sa dustar cunter grond cumplex
ord Actualitad dals 26.10.2016.
laschar ir. Durada: 2 minutas 25 Secundas.

La tema è sa concretisada

Sco la manadra da la Kino Chur SA Rita Kalberer di, na possia la purschida da cultura da la Kino Chur SA probablamain betg pli surviver sche quai dettia concurrenza.

Enfin uss haja la Kino Chur SA numnadamain pudì finanziar la purschida culturala ord l'atgna bursa cun maschadar ils budgets dals kinos. Sch'ils raps manchian pervi da la concurrenza, saja la cultura probablamain l'emprim'unfrenda.

Il public duai gidar tar las decisiuns per l'avegnir

Per guardar schebain la purschida è insumma giavischada tranter la populaziun, lantscha la Kino Chur SA fin dal mais ina retschertga cun la dumonda: «Èsi anc giavischà d'avair in kino en il center da Cuira u betg?». Tar la Kino Chur SA tutgan il Kino Center sco er il Kino Apollo.

RR actualitad 07:00

Artitgels legids il pli savens