Grond donn tar brischament a Trimmis

A Trimmis hai brischà questa notg sin l'areal da la firma da material da construcziun Baustoffe AG. Naginas persunas sajan vegnidas blessadas, il donn è grond. Il motiv da l'incendi vegn anc examinà.

Laschar ir video «Gron donn tar brischament a Trimmis»

Gron donn tar brischament a Trimmis

1:23 min, Telesguard dals 20.4.2017

Brischament a Trimmis

0:36 min, dals 20.4.2017

Las 23:45 è la polizia vegnida alarmada e cura ch'ils pumpiers èn arrivads en il lieu brischava il bajetg da producziun sco er quel da l'administraziun. Quai ha ditg Roman Rüegg da la polizia. Almain 100 pumpiers dals corps da Cuira, Calanda e Landquart èn stads en acziun per stizzar il fieu. Perquai che l'areal da la firma è datiers da l'autostrada è in vial da l'A13 vegnì serrà fin curt avant las 04:00. Il traffic da viafier n'è betg stà pertutgà.

Pertge i ha cumenzà a brischar vegn examinà d'in servetsch spezial da la polizia chantunala.

RR novitads 06:00