La vischnanca dad Arosa vegnia ad inoltrar la dumonda da fabrica ils proxims dis al chantun. Cun quai ch’il project cuntegnia «tut ils detagls relevants», fetschia la gruppa da project quint, da survegnir bainprest glisch verda per cumenzar da construir.
L’avertura dal pajais dad urs Arosa è planisada anc adina en la stagiun da stad 2018.
4 millliuns per in da chasa per 5 urs
Il project prevesa da construir per radund quatter milliuns francs in «pajais per urs» dad ina grondezza da pli che quatter plazzas da ballape. Il pajais saja grond avunda per porscher in da chasa a tschintg urs, scriva la gruppa da project en sia communicaziun.
-
Bild 1 von 3. Urs fortunà –. urs brins sco quest duajan survegnir in da chasa nov ad Arosa. Bildquelle: mad.
-
Bild 2 von 3. L'ursa Lula – . in dals animals, che l'organisaziun da protecziun dad animals «Vier Pfoten» ha salvà da nauschas relaziuns. Bildquelle: mad.
-
Bild 3 von 3. Il pajais dad urs Arosa –. marcada sin la fotografia è la zona prevesida per il parc dad urs ad Arosa. Bildquelle: mad.
Ils tschintg abitants vegnian ad esser urs maltractads, che vegnan salvads grazia a l’organisaziun da protecziun dad animals internaziunala «Vier Pfoten». Quella duai surprender ensemen cun sponsurs er ils custs da planisaziun e construcziun e suenter dal manaschi dal parc.