Il svilup da l’onn da fatschenta 2016 saja stà legraivel, malgrà las tendenzas negativas en il commerzi ed il turissem svizzer, scriva il Landquart Fashion Outlet. E l’onn passà hajan els era schlargià l’offerta da las marcas preschentas a Landquart per tschintg.
Il svilup da l’Outlet mussia che cun il concept actual saja pussaivel da accumplir ils giavischs da la clientella, quai di il directur da l’Outlet Mathias Bommer ch’è dapi in onn en uffizi. Ed els sa focuseschian vinavant sin lur atmosfera speziala da vitg da chalets.
RR novitads 11:00