La Caritas schlargia la purschida a Cuira

Il martgà da la Caritas a Cuira ha midà localitad. Da nov è el a fit a la Tittwiesenstrasse 27. Questas localitads sajan pli grondas, uschia ch'era la purschida possia vegnir engrondida, di Ursi Kurmann, la manadra dal martgà. Vinavant datti era in nov café che porscha plaz per radund 30 giasts.

In sguard en il nov martgà da la Caritas, curunas da victualias, frestgeras, in char da cumpra. Bild in Lightbox öffnen.

Legenda da maletgs: Il nov martgà da la Caritas Tar l'avertura èn las curunas bain emplenidas. RTR, N. Cadonau

Il martgà vegl eri daventà memia pitschens, di Ursi Kurmann. La clientella creschia, il magasin eri miserabel, il chantun dal café en il martgà eri savens enta pais.

Intgantai da la midada

Tar l'avertura èn las curunas bain emplenidas. Quai n'è dentant betg adina uschia. Ins saja dependents da la centrala da la Caritas e dals furniturs, di Kurmann. Il sortiment creschia dentant ad in crescher.

Café Georgina

Betg mo il martgà engrondì duai far plaschair a la clientella, mabain er il café nov. Quel ha survegnì il num Georgina, perquai ch'il president da la Caritas grischun, Claudio Lardi, è intgantà dal num grischun. Inspiraziun ha Georgina Caminada dà, commembra da la suprastanza da la Caritas grischun. Ella è intgantada dal nov café, dentant betg exnum dal num. Ella possia viver cun quai.

Il martgà ed il nov café duajan daventar in lieu da s'entupada.