Ulteriur Grischun - La nova punt è pronta

Avant ch'ils emprims trens van sur la punt ha la Viafier Retica anc fatg differents tests. Tranter auter han els era fatg tests da squitsch. Suenter ina ultima controlla generala da la punt ha il manader da construcziun Karl Baumann suttascrit in protocol. Cun quai è la punt cul num «Sora Giuvna» pronta per ils trens.

audio

Bunura: Nova punt da la Viafier retica a Reichenau vegn inaugurada

01:58 min, ord Actualitad dals 19.10.2018.

laschar ir. Durada: 1 minuta 58 Secundas.

A partir dals 5 da november renovescha la Viafier retica la punt veglia. Els midan tranter auter ora divers elements da fier. Fin ch'ella è puspè pronta dura quai circa in onn. Suenter vegnan tut las duas punts duvradas. Las duas punts e tut la tecnica enturn custa var 36 milliuns francs.

1 / 3

Legenda: La nova punt «Sora Giuvna» è pronta per ils trens. RTR, Flurin Clalüna

2 / 3

Legenda: Entant che la nova punt vegn prendida en funcziun vegn la punt veglia renovada. RTR, Flurin Clalüna

3 / 3

Legenda: La nova punt «Sora Giuvna» dador Reichenau. RTR, Flurin Clalüna

Er en futur punctual

Il mument n'èsi betg pussibel da cruschar dus trens a Reichenau. In sto adina spetgar. Per schliar quest problem ha cumenzà il 2015 la construcziun da la segunda punt. Cun in binari dubel saja er en futur pussibel che tut ils trens arrivan punctual.

TR Telesguard 17:40 / RR Actualitad 07:00