Siglir tar il cuntegn

Header

cuntegn

Ulteriur Grischun Lavachau empè d'ina laudatio

La citad da Cuira ha surdà ils premis da cultura. En ina laudatio èsi vegnì crititgà massivamain, che la citad nizzegia betg las resursas artisticas e sfigureschi il spazi public.

Heinz Caflisch, architect e commember da la cumissiun da cultura da la citad da Cuira è da l’avis, che la citad haja bler spazi public che na saja betg bel. Muments che na sajan betg planisads, mo provisorics, che hajan in cuntegn nunprofessiunal. Sch’el mira sin la via da la staziun da Cuira vesa el mo bancs, flurs ed ina pitga da placats.

audio
Bunura: Lavachau enstagl da laudatio
ord Actualitad dals 13.05.2017.
laschar ir. Durada: 2 minutas 37 Secundas.

Mussar il problem

Il cusseglier da la citad Patrik Degiacomi conceda, ch’il spazi public saja in tema, dentant saja vegnì fatg bler dapi ils onns 70. Era quai stoppian ins renconuscher.

Heinz Caflisch spera, che la communicaziun e las infurmaziuns flessegian meglier en avegnir, e che la politica nizzegia pli fitg il potenzial artistic che saja avant maun en la citad ed en il chantun.

RR actualitad 08:10

Artitgels legids il pli savens