Ulteriur Grischun - Lia Rumantscha duai daventar pli transparenta
La Lia Rumantsch ha envidà sonda ad ina dieta publica a Cuira. En workshops èsi vegnì discutà davart tematicas ch’en relevantas per la cuminanza linguistica.
Legenda:
Radund 80 persunas èn sa participadas a la dieta da la Lia Rumantscha che è stada en la Scola auta da pedagogia a Cuira
RTR, S. Degonda
2 / 5
Legenda:
Andreas Glaser ha preschentà ensemen cun ...
RTR, S. Degonda
3 / 5
Legenda:
... Corsin Bisaz pussaivladads per adattar las structuras da la Lia Rumantscha.
RTR, S. Degonda
4 / 5
Legenda:
"Controlla u remuneraziun e curaschi" è stà il tema dal refarat da Barbla Etter, assistenta doctoranda a l'Universitad da Friburg
RTR, S. Degonda
5 / 5
Legenda:
Johannes Flury, il president da la Lia Rumantscha, è cuntent cun igl output da la dieta.
RTR, S. Degonda
audio
Bunura: Lia Rumantscha giuvens participants a la dieta
02:25 min, ord Novitads dals 13.06.2016.
laschar ir. Durada: 2 minutas 25 Secundas.
Il punct principal da la dieta è stà la structura da la Lia Rumantscha. Igl è vegnì giavischà che quella daventia pli transparenta e vegnia per part midada. Quai pero senza che tschertas gruppaziuns sco per exempel la Giuventetgna Rumantscha perdian lur valur.
Er duessan Rumantschs e Rumantschas che vivan ordaifer il territori tradiziunal Rumantsch vegnir integrads meglier en la Rumantschia. Plinavant vegn giavischa ch'ina sort post d’observaziun survegilescha midadas politicas sco fusiuns da vischnancas e da circuls en la Rumantschia.
audio
Dieta da la Lia Rumantscha
01:19 min, ord Actualitad dals 12.06.2016.
laschar ir. Durada: 1 minuta 19 Secundas.
Johannes Flury, il president da la Lia Rumantsch è cuntent cun l'output da la dieta. Las discussiuns durant ils workshops sajan stadas fitg positivas e cun bler respect envers autras opiniuns.
