Siglir tar il cuntegn

Header

video
Hotel d'ibrid a Son Gliezi
Or da Telesguard dals 28.02.2017.
laschar ir. Durada: 2 minutas 16 Secundas.
cuntegn

Ulteriur Grischun Maiavilla vul in hotel ibrid e natiral

Il project a Son Gliezi, St Luziensteig cumpigliass quatter bajetgs cun 60 chombras e 172 letgs.

A Maiavilla duai dar in hotel ecologic e natiral e quai si Son Gliezi, per tudestg St. Luzisteig. Previs sajan quatter bajetgs cun 60 chombras e 172 letgs, ha communitgà oz ina gruppa d’iniziants privats da Maiavilla. Igl è previs d’investir 18 milliuns francs.

audio
Saira: Maiavilla - Hotel natiral a Son Gliezi
ord Actualitad dals 28.02.2017.
laschar ir. Durada: 3 minutas 9 Secundas.

L’idea è da realisar in hotel che metta paisa sin la natira e sin products regiunals. In hotel ibrid sappia tenor ils giavischs dals giasts esser u ina abitaziun da vacanzas u in hotel. Il senn è ch'ils giasts individuals pon metter ensemen la purschida dal hotel tenor lur gust. Ils ins cun dapli purschidas, ils auters cun pli paucas. Uschia possian ins cuntanscher ina uschè gronda individualitad sco pussibel. Insa sappia resguardar giasts davent dal biker enfin tar il hosp da vacanzas d'enviern.

Purtret dal project cun las quatter chasas.
Legenda: Gist a la costa sur via duai quai dar il nov hotel a Son Gliezi. MAD

L'autezza e ladezza da las chasas duai sa drizzar a las chasas existentas. Il design duai dentant esser modern. Tar las fatschadas veglias cun fanestras pitschnas duai dar construcziuns levas da lain cun grondas fanestras. Er endadens duai esser drizzà en natiral. L’ustaria existenta dal Landgasthof a Son Gliezi duai far part dal project.

La natira da Son Gliezi era sin il taglier

Er da la partida è la cuschiniera natirala Rebecca Clopath da Lohn. Ella fa il concept culinaric per il hotel. L’idea è da cuschinar e nizzegiar uschè blers products regiunals sco pussaivel ni era producir quels sez. Tar l’incumbensa da Clopath s’auda era da tschertgar persunal adattà per la cuschina che lavura tenor il concept natiral.

A la tschertga d’investiders

Actualmain sa tracta quai dentant anc d'in project. Il proxim pass è per ils iniziants da tschertgar in investider. Tenor Thomas Degen maina project vessan els il pli gugent in investider Svizzer. Ideal fiss natiralmain in ord la regiun. Uschia vegnissan buc mo ils products ord la regiun mabain era ils daners.

Per realisar l’hotel duvrass quai anc ina midada da zona.

RR novitads 12:00

Artitgels legids il pli savens