Malans bajegia nov implant per pumpar aua

Per var trais milliuns francs realisescha la vischnanca da Malans in nov implant da pumpadi per l'aua sutterrana. Quai ensemen cun la vischnanca Landquart.

Malans cun la baselgia Bild in Lightbox öffnen.

Legenda da maletgs: La vischnanca da Malans survegn in implant da pumpar aua. RTR, S. Derungs

La radunanza communala da Malans ha concedì persuenter il credit brut da 3,084 milliuns francs. La vischnanca da Landquart sa participescha als custs da construcziun e da mantegniment. Persuenter dastga ella retrair en il futur 7’000 l/min aua dal nov implant, quel pumpa en tut 9’000 l/min.

Plinavant ha il suveran da Malans concedì 370'000 francs per sanar in conduct circular d’aua, e 420'000 francs per sanar il provediment da l'aua sco er las vias sin l'Alp Calfreisen. Per realisar il concept da communicaziun en ils quatter bajetgs da scola a Malans, ha la radunanza concedì in credit da 450'000 francs.

RR novitads 14:00