Nov emprendissadi per glieud communicativa

A chaschun da l’acziun «Please disturb» ha la scola da hotellaria a Passugg preschentà il nov emprendissadi da spezialist da communicaziun da hotellaria.

La scola da hotellaria "Swiss School of Tourism and Hospitality" . Bild in Lightbox öffnen.

Legenda da maletgs: La scola da hotellaria "Swiss School of Tourism and Hospitality" ha envidà da disturbar e cuchegiar davos las culissas. RTR/ Angela Hendry

In spezialist da communicaziun da hotellaria è en stretg contact cun ils osps, surtut tar la recepziun. El ha dentant era invista en la cuschina, il service, l’administraziun ed il tegnairchasa.

Communicativ ed avert

La communicaziun stettia en il focus ed attiria natiralmain ils giuvens e las giuvnas, di Mike Piller, docent da la scola da hotellaria a Passugg. Dumandadas èn cumpetenzas sozialas, talent da s’organisar ed abilitads administrativas.

Nov emprendissadi federal

Ina tala scolaziun purscheva la scola a Passugg gia, ussa è l’emprendissadi però renconuschì sin livel federal. L’emprendissadi vegn purschì quest onn per l’emprima giada ed el dura trais onns.

RR actualitad 08:00