Ulteriur Grischun - Nova via a Valzeina en il Partenz
La via si Valzeina è suenter in temp da construcziun da trais onns vegnida surdada al traffic. L’entir project cun punt e via nova ha custà radund otg milliuns francs e duai procurar per dapli segirtad.
La via a Valzeina è ina cumpart da la rait da vias chantunalas e collia la fracziun da Valzeina da la vischnanca da Grüsch. Fin uss era la via memia stippa ed ha perquai stuì vegnir dischlocada. Ils ultims trais onns è uss vegni construì ina nova part da la via cun ina punt da radund 41 meters sur il Schranggabach. Uschia è la zona da privel Gätziloch vegnida evitada e quai procuria per dapli segirezza, scriva la regenza grischuna.