Tumein sposta radunanza communala

Atgnamain avess Tumein gì da decider glindesdi davart la plazza cumin. La suprastanza ha dentant decidì da spustar la radunanza communala pervia dad in recurs.

Trais persunas da Tumein han pretendì che la suprastanza communala haja clamà memia tard a la radunanza communala dals 22 da matg e che la populaziun haja survegenì memia tard il messadi latiers. Bain ha la dretgira refusà quest recurs – la suprastanza ha tuttina decidì da spustar la radunanza communala.

«  Nus n'eran betg segirs sche las decisiuns a la radunanza fissan propi stadas valaivlas. »

Oswald Sulser
President communal Tumein

45, 35 u 15 parcadis?

L'idea da far pli attractiv la plazza cumin a Tumein n'è betg dispitaivla. Il project per la part sur terren, cun chasa d'abitar ed ustaria, ha il suveran gia approvà. La dumonda quants parcadis sutterrans ch'i duai dar respectivamain quants parcadis che la vischnanca duai cumprar sparta dentant la populaziun da Tumein: La suprastanza communala propona da cumprar 35 dals total 50 parcadis, in'iniziativa pretenda che 15 parcadis bastian ed ina petiziun pretenda perfin 45 parcadis.

La radunanza communala da Tumein decida ils 8 da zercladur.

RR novitads 15:00