Vagun da vitgira da la Viafier retica or dals binaris

Tranter Samedan e Puntraschigna è oz en damaun in vagun da vitgira ì sur ils binaris ora. Persunas n’han betg subì donns.

Logo da la Viafier retica. Bild in Lightbox öffnen.

Legenda da maletgs: Tranter Samedan e Puntraschigna circuleschan ils trens puspè. RTR / Gion Hosang

Il motiv per l’accident è in ischigl rut, ha confermà Simon Rageth, il pledader da la Viafier retica a l’agentura da novitads sda. Il vagun da vitgira vegniva il mument dal accident gist manevrà.

Carta geografica. Avrir maletg en lightbox.

Legenda da maletgs: Lieu nua ch'il vagun è ì or dals binaris. Viafier retica

La lingia tranter Samedan e Puntraschigna è stada interrutta per pliras uras. Per ils viagiaturs èn stads a disposiziun bus. A partir da las 15:30 circuleschan ils trens puspè tenor urari.

RR novitads 11:00