Siglir tar il cuntegn

Header

cuntegn

Valladas talianas Acziun «Moneta Valposchiavo» cun differents effects

Entant ch’ils blocs per far cumissiuns en la regiun èn bunamain exausts a Poschiavo, n’è la dumonda betg stada uschè gronda a Brusio. Ils abitants da la davosa vischnanca avant il cunfin èn apparentamain orientads pli ferm vers l’Italia.

300 blocs da l’acziun «Moneta Valposchiavo» èn en vendita dapi ils 25 d’avrigl 2017. Entaifer paucs dis è la purschida stada exausta a Poschiavo. Auter la situaziun a Brusio, nua che l’Associaziun da commerzi e mastergn avevan dat 100 exemplars per vender. Da quels datti actualmain anc bun la mesadad en la butia a Zalende nua ch’ils da Brusio pon profitar da la purschida.

30 per tschient rabat

L’iniziativa offra blocs cun buns en la valur da 200 francs, quels vegnan vendids en in numer limità per il pretsch da 140 francs. Il client vegn ad avair finalmain in avantatg da radund 30% sin la rauba ch’el cumpra en la regiun. Ils buns da l’acziun «Moneta Valposchiavo» pon ins duvrar en tut las butias ed interpresas ch’èn commembras da l’associaziun.

audio
Mezdi: Moneta Valposchiavo – bilantscha da l'acziun da cumpra
ord Actualitad dals 23.05.2017.
laschar ir. Durada: 2 minutas 44 Secundas.

Acziun dura fin ils 25 da zercladur

L’acziun «Moneta Valposchiavo» dura anc fin als 25 da zercladur 2017. Suenter vul ins far bilantscha e valitar tge che l’acziun ha purtà a las butias en val, ha declerà il president da l’associaziun da commerzi e mastergn, Daniele Misani a Radiotelvisione Svizzera Italiana.

RR actualitad 12:00

Artitgels legids il pli savens