Siglir tar il cuntegn

Header

cuntegn

Valladas talianas Grischun dal Sid: Dus fieus en ina notg

A Roveredo ed a Sta. Maria en Val Calanca hai dà la notg passada dus incendis en chasas d'abitar. Blessads hai denant dà nagins.

A Roveredo ha ina patruglia da polizia remartgà curt suenter las nov la sonda saira in fieu en ina chasa. Il medem mument han era ils abitants en chasa remartgà quest fieu. Ils conjugals han pudì sa spendrar. Il fieu ha cumenzà en in bajetg annex. Il pumpiers han spert pudì stizzar il fieu. Els han era pudì proteger las chasas en vischinanza. Il bajetg annex ed il palantschin èn dentant destruids. Ils conjugals han chattà albiert tar confamigliars.

Brischament a Roveredo.
Legenda: Brischament a Roveredo. MAD

A Sta. Maria en Val Calanca ha in chamin piglià fieu. Era quest fieu han il pumpiers pudì stizzar spert, uschia ch'ils donns n'èn betg gronds. Nagin è vegnì blessà, quai scriva la polizia chantunala.

Tut en tut eran dapli che 40 pumpiers dal servetsch da pumpiers Bassa Mesolcina, Alta Mesolcina, Calanca sco era da la polizia chantunala dal Grischun en acziun.

RR actualitad 15:00

Artitgels legids il pli savens