Gronda solidaritad per Bondo

Fin ussa hai dà donaziuns da radund 5 milliuns francs per la vischnanca da Bondo. Da quai èn 2,7 milliuns francs da la Chadaina da fortuna.

Logo Chadaina da fortuna Bild in Lightbox öffnen.

Legenda da maletgs: La Chadaina da fortuna rimna vinavant per Bondo. Keystone

Sursiglir cuntegn supplementar

Per gidar Bondo:

La simpla varianta è da ir sin la pagina d'internet glueckskette.ch

u cun l'app «Swiss Solidarity»

u pajar sin il conto da posta 10-15000-6 cun avis «Bondo»

ils cedels da pajar a la Chadaina da fortuna chatt'ins sin mintga posta en Svizra.

Sco la Chadaina da fortuna scriva sajan enfin ussa vegnì ensemen donaziuns da 2.7 milliuns francs per sustegnair la vischnanca da Bondo. Era auters donaturs sa mussan solidarics.

Uschia ha per exempel la Banca Chantunala dal Grischun contribuì 100’000 francs, la regenza turitgaisa 400’000 francs ed il Padrinadi svizzer per vischnancas da muntogna metta a disposiziun in milliun francs per l'agid en Val Bregaglia. Plinavant saja vegnì ensemen stgars in milliun francs sin il conto da la vischnanca da Bregaglia.

Donns n'èn anc betg stimads

Tenor il directur da l'Assicuranza d'edifizis grischuna, Markus Feltscher, possian ins dir ina summa da donns il pli baud en in mais u er pir en in onn. Mesemna visita il cusseglier federal Guy Parmelin ed il cusseglier guvernativ Christian Rathgeb la Bregaglia.

RR novitads 20:00