Questas mesiras na pertutgan dentant betg mo ils hotels. Il focus è sin la collavuraziun tranter ils furniturs da servetsch, l'organisaziun turistica e la politica. Il program «hotel impuls» haja pussibilità da metter sin maisa l'impurtanza d'ina posiziun turistica cuminaivla e tuts che lavuran per questa, en la medema direcziun. Quai tenor il directur da l'organisaziun turistica Val Bregaglia, Michael Kirchner. Mo sche tuts collavuran vai. E quai surtut era suenter il premi Wakker e suenter il giubileum d'Alberto Giacometti. Ils giasts vegnan mo sch'ins porscha adina puspè insatge nov.
Definì mesiras che han prioritad
- Sa posiziunar anc pli fitg sco regiun culturala.
- Porscher insatge era suenter il premi Wakker ed il giubileum da Giacometti. Sco da adattar uras d'avertura da l'atelier ni dal museum.
- Procurar per ina colliaziun davos il lai tranter Segl e Malögia durant l'enviern, era sch'il lai n'è anc betg schelà.
- Malögia duai sa posiziunar pli fitg sco lieu da cursa lunga, per far quai dovri infrastructura nova per far naiv.
RR actualitad 07:00