Nagin sistem d’alarm online a Bondo

Il Piz Cengalo na vegniva betg controllà permanentamain cun in sistem d’alarm online uschia sco per exempel il glatscher Trift en il Valais. Quai scriva SRF. Quest sistem mussia dentant buns resultats.


Il Piz Cengalo ed il Piz Badile. Bild in Lightbox öffnen.

Legenda da maletgs: Il Piz Cengalo ed il Piz Badile. Keystone

Tenor persunas dal fatg mussian tals sistems d’alarm online buns resultats d’observaziun. Quai hajan ins pudì vesair la fin d’emna passada cura che tocca dal glatscher Trift datiers da Saas-Grund è ida a val. Quai scriva SRF. Là hajan ins pudì dir 24 uras avant pulit exact cura che material sa distatgia dal glatscher. Ed uschia hajan las autoritads pudì evacuar e segirar la zona periclitada.

Ils apparats da mesiraziuns al glatscher Trift ha ina fatschenta da Turitg installà. Quella fatschenta haja er installà radars al Piz Cengalo, quai dentant pir suenter la crudada da crappa e las bovas.

Sin la dumonda daco ch’i n’era betg installà sper ils auters sistems d'alarm anc in sistem da surveglianza permanent al Piz Cengalo, n’ha l’Uffizi da guaud e privels da la natira betg prendì posiziun il mument. Quai damai ch’i sa tractia dad investigaziuns currentas da la procura publica.