Sco bleras valladas lateralas cumbatta era la Val Bregaglia cun il problem da la depopulaziun. Tenor la vischnanca bandunan radund 90 pertschient dals giuvens e da las giuvnas la vallada suenter la finiziun dal temp da scola. Divers na turnan betg pli enavos.
L’Open Air Sur l’Aua è perquai ina bun’occasiun per s’entupar puspè ina giada. Spezialmain per tut ils commembers da la societad giuventetgna Bregaglia, che organiseschan l’open air. Dals radund 50 commembers èn bundant dus terz giuvenils che n’abitan betg pli en Val Bregaglia.
TR Telesguard 17:40