Siglir tar il cuntegn

Header

cuntegn

Grischun VW: Da l'auto tschuf a l'auto net

Dapi il schaner 2016 èn l’AMAG Svizra e ses partenaris vid adattar la software dals autos pertutgads dal scandal da svapur dal concern da VW. L’acziun en Svizra duai durar anc fin la fin da quest onn.

Tenor in test ch’il Touring Club Svizra TCS ha fatg ensemen cun l’ADAC, il club d’automobil austriac (ÖAMTC) e quel da la Frantscha (FIA) na datti nagina differenza da la prestaziun da l’auto avant e suenter la midada da la software. Ed era las valurs da la svapur sajan suenter la midada electronica en la norma.

En il mender cas vegn confiscà il numer da l'auto

Indemnisaziuns?

Avrir la box Serrar la box

En ils Stadis Unids survegnan ils pertutgads ina indemnisaziun da fin 7'000 francs. En Europa na datti per il mument nagut.

La fundaziun «protecziun da consuments» recumonda da s'inscriver tar la fundaziun «Volkswagen Car Claim». Quella emprova da discutar cun VW d'ina indemnisaziun per ils autos europeics.

Per cas ch’il possessur d’in auto pertutgà na resguarda betg l’invit da l’AMAG pon tant ses document dal vehichel sco er il numer da l’auto vegnir confiscà. Quai fiss lura l’incumbensa da l’uffizi da traffic da mintga chantun. Ma sco ch'il pledader da l'ASTRA, Thomas Rohrbach, ha ditg, na succedia quai betg uschè svelt.

L’emprim trametta l’AMAG plirs scrits da regurdanza, alura suonda in’admoniziun e pir lura vegnian ils uffizis en acziun. Tenor Jon Andrea Parli, il manader tecnic da l’uffizi per il traffic Grischun, hajan els anc nagin plan en chaussa. El na quinta era betg che ses uffizi sto vegnir en acziun, cunquai che la midada da la software saja gratuita per il client.

En Svizra èn pertutgats da quai da 175'000 vehichels dal scandal da svapur dal concern da VW. La cifra d'autos cun nummer grischun ha ni l'ASTRA, ni l'uffizi per il traffic Grischun savì eruir.

RR actualitad 08:00

Artitgels legids il pli savens