Zichel dapli persunas basegnan agid social en Grischun

En il Grischun hai dà il 2015 dapli cas d'agid social, tuttina è il Grischun in dals chantuns cun las pli paucas persunas che basegnan sustegn finanzial dal stadi.

Stizun da Caritas. Bild in Lightbox öffnen.

Legenda da maletgs: Cun in budget magher pon ins er far cumpars en ina stizun da Caritas. Keystone

Il 2015 han passa 2'500 persunas survegnì agid social en il chantun Grischun, la quota crescha lev sin 1,3% en cumparegliaziun cun il 2014. Quai communitgescha l’uffizi federal da statistica communabel cun l’uffizi social dal chantun Grischun.

Il dumber da persunas che basegnan agid social en il Grischun è marcant sut la media naziunala ch’era il 2014 tar 3,2%. Uschia resta il Grischun in dals chantuns cun la pli bassa quota da persunas che basegnan agid social, scriva l’uffizi federal da statistica. Las duas grondas gruppas che basegnan agid social sajan persunas singulas e persunas ch’educheschan sulettas, qua saja la cumpart creschida lev, scriva l’uffizi social dal Grischun.

Agid social en il Grischun.

Dapli persunas attempadas

La cumpart da las persunas tranter 46 fin 55 onns che dovran agid sozial è s’augmentada sin 16,4% (augment da 0,5 puncts %). Tar las persunas tranter 56 e 64 onns èn quai 10,9% (augment 0,9 puncts %). La gruppa che dovra il pli bler aigd èn ils giuvens tranter 0 fin 17 onns, quai èn 29,2%. La segund gronda gruppa è quella tranter 26 e 35 onns cun 17,9%.

Laschar ir video «Quota d'agid sozial è creschida il 2015»

Quota d'agid sozial è creschida il 2015

1:34 min, Telesguard dals 19.6.2017

RR novitads 09:00