Ch'il port aviatic da Sion vegni serrà haja consequenzas per tut ils auters ports aviatics da l'armada, Payerne, Meiringen ed Emmen ha Bernard Müller il commandant suppleant da l'aviatica militara ditg. Las consequenzas sajan dentant tut tenor regiun autras.
Cun ils jets da cumbat absolva l'armada ad onn 22'000 moviments u radund 11'000 sgols. Senza Sion ha Payerne davent dal 2018 cun enturn 11'000 moviments (+1'900) vinavant la pli gronda responsabladad. Emmen (+1'200) e Meiringen (+500) vegnan danovamain sin radund 5'000 starts. Enfin 2'000 unitads supplementaras duain vinavant sgular en l'exteriur.
Per Emmen munta quai in augment da 20% da l'onn 2016. Quai sajan a di radund dus enfin trais sgols dapli da maschinas da Tiger. La fin dal 2017 duai il manaschi d'eroplans a Sion vegnir mess giu.