Siglir tar il cuntegn

Header

cuntegn

Svizra 50 milliuns umans en l'Africa dovran agid

La Chadaina da fortuna appellescha per donaziuns en favur da las unfrendas dal fenomen dal clima ‘El Niño’. En la regiun da la Corna da l'Africa ed en la part sid dal continent haja El Niño chaschunà la pli nauscha perioda da setgira dapi 30 onns, scriva la Chadaina da fortuna.

El Niño

Avrir la box Serrar la box

El Niño è in fenomen meteorologic che sa furma en il Pacific tropic: Las temperaturas da l’aua creschan excepziunalmain fitg e questa chalira fluescha vers l’ost. En consequenza datti diluvis a la costa pacifica da l’America dal Sid, en la regiun Asia dal Sidost-Australia sitgiras desastrusas – il clima cupitga en in cuntrari extrem.

50 milliuns umans, cunzunt pasturs e purs, sajan dependent dal tuttafatg da l'agid internaziunal. La Chadaina da fortuna ha gia realisà quatter projects d'agid d'urgenza. Ussa mancan ils daners per ulteriurs projects.

La Chadaina da fortuna vul cun las donaziuns segirar il surviver la populaziun pertutgada cun reparter mangiativas. En pli duain ils umans er esser preparads meglier per ulteriurs ristgs climatics. Concret va quai per segirar l’access a l'aua, scriva la fundaziun.

Autras mesiras cumpiglian la repartiziun da semenza, programs da scolaziun d’agricultura e la construcziun da bigls e pumpas da filter per funtaunas. Plinavant duain ils umans vegnids sustegnids d’avair er autras funtaunas d’entrada.

RR novitads 06:00

Artitgels legids il pli savens