Dals dus tudestgs saja sco para l'um da 64 onns stà il pilot. Il segund um, da 76 onns, saja probablamain stà il passagier.
Partida era la maschina da la Germania, a Donaueschingen en il Baden-Württemberg, per sgular en la regiun da la Toscana en l’Italia. Davart l’identitad da las duas persunas na po la polizia glarunaisa far il mument naginas indicaziuns.
Legenda:
L'aviun pitschen era da viadi vers la Toscana cura ch'el è crudà giu en il chantun Glaruna.
SRF
Il mardi saira vers las set era la Rega vegnida alarmada ch’in aviun pitschen saja crudà giu en la regiun da Braunwald. Il lieu d’accident è grev accessibel, e l’aura e la stgiradetgna han anc engrevgià l’access, ha la polizia glarunaisa communitgà il mardi saira.
RR novitads 23:00