Siglir tar il cuntegn

Header

cuntegn

Svizra Berna: Traffic da tren impedì fin gievgia a mezdi

In tren da la BLS è ì mesemna da mezdi sur ils binaris ora a la staziun da Berna en direcziun Wankdorf. Tut ils passagiers èn vegnids evacuads. En la regiun da Berna èsi da quintar cun retards ed impediments fin gievgia da mezdi.

  • Cun partir da la staziun da Berna è ì in tren da la BLS sur ils binaris or.
  • Igl è da quintar cun impediments fin gievgia las 12:00.
  • Da l'incident n'haja dà nagins blessads. Quai ha communitga la SBB.

Dal tren sa tractia da la S44 ch'è vegnida da Thun ed avess gì dad ir enfin Sumiswald. Il tren saja partì tenor plan a las 12:50 da la staziun. Cun sortir la staziun saja il tren ì sur ils binaris ora. Quai ha communitgà in pledader da la viafier. Enturn las 13:30 han tut ils passagiers lura pudì vegnir evacuads.

Impediments e retards

Pervi da quest incident è la staziun da Berna charrabla mo parzialmain. Igl è da quintar cun retards. Pliras colliaziuns crodan ora, uschia ils interregios tranter Berna e Turitg, tranter Berna ed Olten sco er tranter Berna e Thun. La SBB quinta cun impediments fin gievgia da mezdi.

Avant in'emna er'in tren ì sur ils binaris ora a Lucerna. Lez incident aveva paralisà il traffic da tren en la citad cumplettamain per plirs dis.

RR novitads 14:00

Artitgels legids il pli savens