Biodiversitad en CH: organisaziuns d’ambient pretendan mesiras

La Confederaziun miria tiers co la biodiversitad giaja enavos. Questa rinfatscha fan las organisaziuns d'ambient BirdLife Svizra, Pro Natura e WWF Svizra e pretendan mesiras.

Dunna che fa ina viagiada en il Parc Naziunal Svizzer. Bild in Lightbox öffnen.

Legenda da maletgs: Tenor las organisaziuns d’ambient dovria quai dapli territoris protegids en Svizra. Keystone

Dapi ch'il Cussegl federal haja deliberà avant tschintg onns sia «strategia biodiversitad» cun finamiras cleras enfin l’onn 2020, na saja praticamain capità nagut, quai scrivan las organisaziuns en ina communicaziun da medias. Ensemen cun experts han ellas uss fatg in rapport intermediar che mussa, con activa che la Svizra è sch’i va per mantegnair la biodiversitad.

Finamiras na vegnian betg cuntanschidas

Tenor quest rapport vegnia mo ina suletta d'en tut 18 finamiras ch’il Cussegl federal ha definì, insumma cuntanschida. Perquai pretendan las organisaziun d’ambient in plan d'acziun effizient cun mesiras concretas. Sco in exempel negativ vegn numnà la surfatscha e la qualitad da territoris protegids. Dapi onns saja la Svizra en quest reguard la glisch cotschna en l'Europa.

RR novitads 10:00