Siglir tar il cuntegn

Header

cuntegn

Svizra Cumbat svizzer cunter la fugia fiscala plascha a l’UE

Malgrà il na dal suveran a la refurma da la taglia sin interpresas il favrer passà, survegn la Svizra laud dal cumissari da l'UE Pierre Moscovici.

Il cumissari da taglia da l’UE Pierre Moscovici è s’inscuntrà il mardi cun cusseglier federal Ueli Maurer. Suenter l’inscunter ha il cumissari ditg, ch'el saja fitg optimistic che la Svizra possia evitar la glista naira che cuntegna oasas da taglia.

Bain saja il na svizzer a la refurma da taglia stà in pass en la direcziun fallada, il Cussegl federal haja dentant reagì spert. El beneventia l’agir dal Cussegl federal ed ils progress impressiunants da la Svizra ils davos onns en il cumbat cunter la fugia fiscala. Quests progress vegnian els era a resguardar, cura ch’els scrivian la glista planisada da las oasas da taglia.

Nova refurma vegn pir realisada il 2020

La nova proposta vegnia ad ir en vigur il 1. da schaner 2019 sin plaun federal, ha ditg Ueli Maurer. Ils chantuns stoppian lura surpigliar las midadas aifer l’onn.

La refurma da la taglia sin interpresas aveva il suveran svizzer refusà cleramain ils 12 da favrer, cun 59,1% na. Uschia ston societads che fan la plipart da lur svieuta en l’exteriur vinavant pajar damain taglia che las ulteriuras interpresas.

RR novitads 21:00

Artitgels legids il pli savens