Siglir tar il cuntegn

Header

cuntegn

Svizra Cussegl naziunal è per dapli daners per las vias

La Confederaziun basegna dapli daners per schlargiar, mantegnair e manischar la rait da vias. Il Cussegl naziunal è da principi per il nov fond per vias naziunalas e traffic d'aglomeraziun NAF. El ha concludì unanimamain da cumenzar la discussiun. En la debatta hai dentant dà grondas differenzas.

audio
Bunura: CN: debatta fondo NAF - consequenzas per il Grischun
ord Actualitad dals 16.06.2016.
laschar ir. Durada: 2 minutas 27 Secundas.

Il nov fond per vias naziunalas e traffic d'aglomeraziun NAF è in tema dispitaivel. Represchentants da la PPS e la PLD han pretendì ch'automobilists na dastgian betg vegnir engrevgiads anc pli fitg, entant ch'i ha gì num davart da la PS, ils Verds ed ils Verdliberals ch'ils automobilists na pajan betg avunda per ils custs dal traffic sin via. Cun il NAF duai la Confederaziun survegnir dapli daners per mantegnair e construir vias naziunalas. Il Cussegl dals chantuns propona ina pli auta taglia sin ieli mineral.

La cumissiun da traffic aveva refusà la lescha dal NAF e la sanestra refusa il program perquai ch’en las aglomeraziuns sa focussescha la strategia sin schlargiar las vias.

RR Actualitad 06:00 / 14:00

Artitgels legids il pli savens