Il dumber da las naschientschas è creschì il 2014 en cumparegliaziun cun l’onn avant. En tut hai dà in augment da 3,%, sin uss sur 85’000 naschientschas. L’augment è da contribuir a l’augment da la populaziun, scriva l’Uffizi federal da statistica.
En il chantun Grischun hai dà in augment da naschientschas da 1'764 il 2013 sin 1'803 il 2014. Era han il 2014 dapli persunas maridà. Dapi ils onns 90 deva quai en Svizra radund 40’000 maridaglias ad onn. Il 2014 han circa 42’000 persunas maridà.
Percunter èn ils divorzis en Svizra sa sminuids en media per circa 2%. Questa tendenza engiu è d'observar dapi il 2006. Plinavant constatescha l'Uffizi da statistica che l'aspectativa da vita crescha vinavant.
