En la dispita davart l'agid a l'omissiun fiscala paja la Deutsche Bank per sia filiala svizra 31 milliuns dollars al ministeri da giustia dals Stadis Unids. Cun quai vegn la persecuziun penala en quest cas sistida, communitgescha l'autoritad americana.
La banca haja gidà burgais americans a defraudar, almain tranter ils onns 2008 ed il 2013. Quest chasti è grond cumpareglià cun las autras 50 bancas svizras da la categoria 2 ch'èn gia sa cuvegnidas cun la giustia americana. Be la Banca della Svizzera Italiana ha pajà dapli, numnadamain 211 milliuns dollars.
