La fin da l’onn 2023 vivevan in pau dapli che 8.96 milliuns persunas en Svizra, sco l’Uffizi federal da statistica (UST) ha communitgà la gievgia passada. Cun quai è la populaziun creschida l’onn passà bunamain dubel uschè svelt sco l’onn 2022, cura ch’ins aveva registrà in augment da 0.9 pertschient.
En la discussiun co la Svizra duai realisar sia politica d'immigraziun vegn cumbattì dapi onns cun diras bandaschas. Entant che la vart dretg-conservativa avertescha da memia paucas resursas u d'ina infrastructura memia flaivla e fa perquai squitsch per ina politica d'immigraziun pli restrictiva, accentuescha la sanestra l'impurtanza istorica da la migraziun en Svizra ed era che tut saja ina dumonda da l'integraziun.
Las associaziuns economicas furman en questa discussiun la terza vart: la mancanza da forzas da lavur qualifitgadas, l'inveteraziun entaifer la Svizra – bler pleda per ina politica d'immigraziun averta.
E tge pensais Vus da quai? Discutai cun l’entira Svizra via la purschida da la SRG SSR «dialog».