Economia: SECO sbassa prognosas

Per l'onn 2017 quinta il Secretariat da stadi per l'economia be pli cun ina creschientscha da 1,6% empè da 1,9%.

Construziun auta. Bild in Lightbox öffnen.

Legenda da maletgs: L'ecnomia è creschida pli pauc che spetgà ils ultims mais. Keystone

  • Las prognosas per la conjunctura Svizra èn vegnidas mendras in zic. Il Secretariat da stadi per l’economia (SECO) quinta per l’onn current ch’il product naziunal brut creschia per 1,6%. Il december passà ha el anc quintà cun ina creschientscha da 1,9%.
  • Dentant ha il SECO confermà la prognosa per l’onn 2018 da 1,9%.

Il SECO argumentescha questa correctura cun l’economia svizra che saja creschida las segunda mesadad dal 2016 pli pauc che spetgà.

Dentant tramettia l’economia mundiala signals positivs, perquai resta il SECO tar sia prognosas per l’auter onn. El quinta ch’il martgà da lavur sa revegnia. Per l’onn current quinta il secretariat cun ina quota da dischoccupaziun da 3,2%, il 2018 cun ina da 3,1%.

Grazia a carnets d’ordinaziuns plains e gronds projects da construcziuns dal maun public duessan las investiziuns da construcziun medemamain s’augmentar. Er ils exports duessan avair in effect positiv sin la creschientscha dal product naziunal brut.

RR novitads 08:00