Frédéric Favre remplazza Oskar Freysinger

Oskar Freysinger sto dar giu ses sez en la regenza dal chantun Vallais.

Purtret dad Oskar Freysinger. Bild in Lightbox öffnen.

Legenda da maletgs: Freysinger ha pers ses sez en la regenza Vallesana. Keystone

Il suveran vellesan ha betg pli elegì il politicher da la partida populara svizra. En il segund scrutini è Freysinger be vegnì sin plazza sis. Las bleras vuschs han fatg ils candidats cristiandemocrats Roberto Schmid, Jacques Melly e Christoph Darbellay. Sin plazza quatter è la candidata socialdemocratica Esther Waeber-Kalbermatten. Il tschintgavel sez ha consquistà il liberaldemocrat Frédéric Favre.

La nova regenza Vallesana

Elegids èn:
Vuschs
Roberto Schmid (CSPO, nov)
59'616
Jacques Melly (PCD)
57'582
Christophe Darbellay (PCD, nov)
54'338
Esther Waeber-Kalbermatten (PS)
53'990
Frédéric Favre (PLD, nov)
44'644
Betg elegì:
Oskar Freysinger (PPS)
42'520
Stéphane Rossini (PS, nov)
40'429

Avant quatter onns aveva Freysinger (PPS) piglià davent a la PLD in sez en la regenza. El era vegnì elegì cun il meglier resultat en la regenza. Uss survegn la PLD pia puspè enavos il sez da la PPS.

RR novitads 16:00