Siglir tar il cuntegn

Header

cuntegn

Svizra Il consum ha pers schlantsch l’avrigl

Las Svizras ed ils Svizzers han consumà damain il mais d'avrigl. Cumpareglià cun il mars è l'indicatur da consum da l'UBS sa reducì da 1,34 sin 1,25 puncts.

Cunquai è il trend vers ensi, ch'aveva cumenzà il schaner, per il mument terminà.

Tenor ils economs da la banca UBS sajan las fatschentas dal commerzi en detagl restadas sin in bass nivel cumpareglià cun il mais avant. Quai laschia temair, ch’il commerzi en detagl stoppia quintar cun ina perioda pli lunga cun svieutas che sa reduceschian.

Plinavant han ins registrà damain autos novs. Malgrà questa flaivlezza è la dumonda per autos novs dentant cleramain sur la media a lunga vista, e sustegna uschia l’indicatur da consum.

RR Novitads 10:00

Artitgels legids il pli savens