Siglir tar il cuntegn

Header

Inscripziun hotel vid ina paraid.
Legenda: La branscha d’hotellaria n’è betg cuntenta cun las decisiuns dal Cussegl naziunal. Keystone
cuntegn

Svizra Il cumpromiss d'abitaziuns secundaras – dal planscher al laud

Entant che la Fundaziun svizra per la protecziun da la cuntrada è intgantada dal cumpromiss, valitetscha l'hotellaria svizra il curs dal Cussegl naziunal pli critic.

La Fundaziun svizra per la protecziun da la cuntrada beneventa expressivamain il cumpromiss. In zic displaschaivel saja sulet, che hotels betg rentabels dastgan vegnir midads sulet per 50% en abitaziuns secundaras. Quai communitgescha la fundaziun. Sch'il Cussegl dals chantuns approveschia era quest model da la lescha d'abitaziuns secundaras, lura vegnia la Fundaziun per la protecziun da la cuntrada a desister d’in referendum.

Per l'hotellaria svizra engrevgescha il Cussegl naziunal la midada da structura da l'hotellaria cun approvar il cumpromiss. Quai scrivan las uniuns hotelleriesuisse, parahotellaria Svizra, GastroSuisse e la Federaziun svizra dal turissem. La decisiun da pudair midar enturn hotels betg rentabels sulet per 50% en abitaziuns secundaras, provocheschia dumondas co realisar quai.

La branscha pretenda perquai dal Cussegl dals chantuns, da pudair midar enturn hotels betg rentabels dal tut, pia per 100%, en abitaziuns secundaras.

RR Novitads 15:00

Artitgels legids il pli savens