Siglir tar il cuntegn

Header

cuntegn

Svizra Il Tessin vul ina taglia sin segundas abitaziuns

Il chantun Tessin segua la vischnanca da Silvaplauna e vulan introducir ina taglia sin segundas abitaziuns. Il chantun Tessin ha elavurà in sboz d'ina lescha chantunala che permetta da pretender ina taglia sin segundas abitaziuns.

Il mument è il sboz en consultaziun tar las vischnancas. Finamira fiss d'avair la basa legala sin champ chantunal per cumenzament dal 2016.

Vischnancas duain decider sez

Mintga vischnanca decida suenter sez sch’ella vul introducir l’imposta u betg. Tenor il departament per finanzas ed economia dal chantun Tessin, datti lieus che beneventan l’imposta che han cunzunt dumandà lasuenter.

Autras na vegnan forsa betg ad introducir ella. Impurtant saja da pudair porscher in instrument per dar cunterpaisa al svilup negativ ch'adina dapli abitaziuns u chasas èn vidas la gronda part da l’onn. En tut ha il chantun Tessin radund 70'000 abitaziuns secundaras.

22, 4 milliuns francs entradas

Pajar l’imposta stuess ins, sche l’abitaziun n'è betg occupada almain 90 dis l’onn. Sche tut las vischnancas pretendessan l’imposta e mintga proprietari stuess pajar muntass quai entradas da 22,4 milliuns francs l’onn.

Artitgels legids il pli savens