La FIFA ha refusà sco sbagliads divers rapports da medias che registraziuns da tun brisantas da la sesida dals 9 e 10 da matg sajan vegnidas stizzadas. La registraziun originala saja arcunada confurm a l'urden da la FIFA, communitgescha la Federaziun internaziunala da ballape.
Las gasettas online da Die Welt e Tagesanzeiger avevan rapportà ch'il schef da la FIFA, Gianni Infantino, haja cumandà da stizzar las registraziuns. Vitiers rapportan las gasettas ch'i smanatscha ad Infantino ins suspensiun da 90 dis pervi dal suspect d'avair cuntrafatg a l'etica.
