Passa 135’000 suttascripziuns ha il comité da l’iniziativa “Franar la construcziun dischordinada – per il svilup durabel dals abitadis” inoltrà. Sustegn ha l’iniziativa dals verds, dals giuvens socialists, da la Iniziativa da las Alps e d’ulteriuras partidas giuvnas ed organisaziuns.
Ils iniziants vulan ch’enzonaziuns novas da terren da bajegiar ston vegnir cumpensadas en il futur. Be uschia dettia motivaziuns da nizzegiar pli effizient il terren da bajegiar existent. Ultra da quai vul l'iniziativa che bajetgs existents pon vegnir auzads, novas abitaziuns duai dar dapli en l'aut enstagl en il lad.
RR novitads 14:00