Siglir tar il cuntegn

Header

cuntegn

Svizra Integrar persunas cun handicap en il martgà da lavur

Ins è tschorv u en la sutga cun rodas u ins ha in auter impediment. Sco sche quai na fiss betg gia grev avunda, vegn anc tiers in auter obstachel: Igl è fitg grev da chattar ina plazza da lavur. Ina soluziun è ins uss vi dad elavurar uschè spert sco pussaivel.

Per persunas cun in handicap saja quai anc adina fitg grev da survegnir ina plazza da lavur, declera Julien Neruda, il schef dad «Inclusion Handicap», l’uniun centrala per ils radund 1,6 milliuns umans cun in handicap en Svizra.

audio
Bunura: Co integrar meglier persunas cun handicap en il mund da lavur
ord Actualitad dals 18.05.2017.
laschar ir. Durada: 2 minutas 52 Secundas.

Dapi quest onn datti conferenzas che tematiseschan il problem. Gievgia è stada la segunda conferenza: En workshops han ins elavurà, discussiunà u optimà ideas per cuntanscher la finamira.

E quai è er stada l’emprima giada che tuts quels che pudessan midar la situaziun èn sesids vi dad ina maisa: La Confederaziun, ils chantuns, patrunas e patruns, organisaziuns dad impedids, assicuranzas ed er ils medis.

Umans cun impediment na ston ins guardar sco persunas cun impediment. Ins duai vesair la motivaziun e las resursas ch'ellas offran. La persuna e la firma duain prender la schanza e crescher communabel.
Autur: Julien Neruda manader da fatschenta Inclusion Handicap

In’idea fiss per exempel da surdar labels a las firmas che porschan talas plazzas da lavur. Cun quest label survegn la firma però era tschertas reglas. Las meglras ideas duajan chattar pli spert sco pussaivel la via al martgà da lavur, di Julien Neruda vinavant. Anc quest onn vul el s’inscuntrar cun il cusseglier federal e minister da sanadad Alain Berset. La finamira è da definir reglas che valan per l’entira Svizra.

RR actualitad 08:00

Artitgels legids il pli savens