Josef Dittli fa denunzia pervi da spionascha tirca

Cusseglier dals chantuns ha fatg ina denunzia penala cunter nunenconuschent tar la procura publica federala.

Purtret da Josef Dittli. Bild in Lightbox öffnen.

Legenda da maletgs: Josef Dittli vul che la spiunascha tirca vegnia investigada. Keystone

En l’affera davart eventuala spiunascha da la Tirchia en Svizra ha il cusseglier dals chantuns da l’Uri, Josef Dittli fatg ina denunzia penala cunter nunensocnuschent tar la procura publica federala. Quai scriva il Blick da la dumengia sa referind al plant.
Tenor quel sajan gia curt suenter l'emprova d’in putsch en Tirchia, la stad passada s’augmentads ils indizis da spiunascha entras agents tircs en Svizra. Da curt èn vegnidas enconuschentas acziuns da spiunascha supponidas a l’universitad da Turitg.

Tenor Dittli sajan critichers dal reschim d'Erdogan suttamess a mesiras aggressivas. Els vegnian smanatschads e boicotads. Tenor Dittli existia perfin in'adressa da mail sur qella ins possia denunzia critichers a la regenza d'Ankara. La procura publica fedrala ha confermà d'avair survegnì la denunzia.

RR novitads 12:00