Siglir tar il cuntegn

Header

cuntegn

Svizra L’idea da porscher viadis da luxus en Svizra

Durant las vacanzas en la Georgia il 2013 è Patric Collet vegnì sin l’idea: Co fissi da porscher viadis da luxus en Svizra? L’avrel 2014 ha el lura la fin finala fundà la firma Luxury Travel Switzerland.

El porscha differents viadis da luxus atras la Svizra: trais pigl enviern e trais per la stad. Viadis che han natiralmain è ses pretsch.

«Ma igl è propi luxurius»

Per in viadi da 10 dis durant la stad, nua ch’i vegn visità Lucerna, Genevra, Zermatt u S. Murezzan paja ina persuna bun 25’000 francs. «Ma igl è propi luxurius», di Patric Collet. «I vegn charrà cun autos da luxus ed è durmi en hotels da luxus.»

audio
Bunura: Porscher vacanzas da luxus – l’idea ha il Surmiran Patric Collet gì en l’exteriur
ord Actualitad dals 30.07.2015.
laschar ir. Durada: 4 minutas 16 Secundas.

Spetgar anc sin ils emprims clients

Fin uss haja el sulettamain pudì scriver intginas offertas, ma effectiv organisà in viadi n'ha el anc betg. Cunquai che Patric Collet spetga anc sin ils emprims clients, na po el anc betg viver da sia firma. Mo actualmain lavuria el anc 50% tar ina che fa projects turistics e plinavant saja el è anc um da chasa.

Artitgels legids il pli savens