Siglir tar il cuntegn

Header

cuntegn

Svizra La «Caritas» pretenda dapli sustegn per fugitivs minorens

«Caritas» crititgescha il tractament en Svizra d’uffants fugitivs. En spezial tar las proceduras dettia situaziuns insupportablas evidentas e differenzas chantunalas gravantas.

L’ovra caritativa «Caritas» pretenda uss che quai sa midia, scriva ella en ina communicaziun. Tar uffants fugitivs che vegnian senza geniturs en Svizra han las instituziuns statalas ina rolla speziala da responsabladad. Uschia crititgescha per exempel l’ovra caritativa ch’ils uffants stoppian dar pled e fatg e quai senza esser infurmads sur da l’ur dretgs e sur dal proceder d’asil, scriva la «Caritas».

Ils daners mancan

Ils blers dals puncts da critica han da far ch’ils daners mancan, scrivan la «Caritas». Perquai duai la Confederaziun surtut sustegnair pli fitg questa gruppa da fugitivs. Concret pretenda la «Caritas» che la pauschala da di extraordinaria per fugitivs minorens vegnan dublegiada da oz 50 francs sin 100 francs a di.

RR novitads 15:00

Artitgels legids il pli savens