La sonda era l’interess per giugar lotto uschè grond, che la website da Swisslos è crudada ensemen curt avant la fin a las17:00. Dapli ch’in ura n’ha la pagina lura betg pli funcziunà.
Il gudogn da record dad enfin uss è vegnì fatg ils 23 d’avust 2014, nua ch’ina persuna aveva gudagnà 48,6 milliuns francs. Il lotto da cifras svizzer vegn giugà dapi il 1970. In jackpot datti pir dapi il 1979. Dapi lura ha la Svizra gì 697 milliunaris grazia al lotto.
RR novitads 20:00