Maioritad per lubir cumpra d’alcohol sin pausadis

Automobilists duain pudair cumprar en il futur alcohol era sin pausadis d'autostradas. Suenter il Cussegl naziunal vul era il Cussegl dals chantuns abolir il scumond actual.

Buttiglias e stgatlas d'alcohol Bild in Lightbox öffnen.

Legenda da maletgs: Las disas da consumar alcohol èn sa midadas, ed uschia duai il scumond da cumprar alcohol sin pausadis scrudar. Keystone

Enfin ussa aveva il parlament gì retegnientschas da schliar la lescha che vala gia dapi 50 onns, la raschun eran ponderaziuns davart la segirezza. Uss valita la pluralitad en il parlament dentant pli ferm la libertad da concurrenza. Tenor els vegnan pausadis discriminads, damai ch'era ustarias dasper sortidas d'autostradas pon offrir bavrondas alcoholicas.

Cussegl federal è avert

Il Cussegl federal aveva sustegnì la moziun che pretenda da stritgar il scumond d’alcohol sin pausadis. Tenor cussegliera federala Doris Leuthard n’è il scumond betg pli confurm al temp. Uss lascha il Cussegl federal elavurar in project da lescha.

RR novitads 11:00